✍️Rakhi Debbarma
Nwng phaimabai
kha thwijak khumulwngni khumbarbo
wari rik wngna chengkha.
Nwng phaimabai
tokpupu bolongni toksa toktwini
mwthakjak rwchapmung
haino hai chengjakha.
Nwng phaimabai
hapar sikla chana nangkha
ransajak twimani twi
khwrang wngna nangkha.
Nwng phaimabai
tangna korojak takhuk-bukhuk
hukni lamao lam rikha.
Nwng phaimabai
doljak thanti
bwrwima teisa takna yak rikha.
Nwng phaimabai
korojak bwthai
chariwi khwtwng surjakha.
Nwng phaimabai
mwktwi choraijak cherai
wari rik wngkha.
Nwng phaimabai
mwnak chumui kobontwi kobonkha
pohor phaikha rwtharwi.
Nwng ani khapang
khani kwcharni
nwng ani langmani ari.
0 মন্তব্যসমূহ